Ketauhidan

Ilmu atau pemahaman tentang keberadaan yang diyakini,dianggap lebih atau super di dalam keyakinan seseorang dan pada umumnya menjadi sebuah aqidah dalam sebuah pemahaman terutama di dalam keyakinan beragama :

Membahas ilmu,pemahaman tentang Tauhid dalam agama,membahas mengenai keTuhanan disemua agama,dengan ilmu atau pemahaman disetiap agama dengan tujuan untuk mengetahui keberadaan Tuhan.Dalam hal ini kita mencoba membahas tentang ilmu atau pemahaman mengenai Tuhan dalam hukum Islam,di dalam hukum Islam Tauhid adalah Ilmu atau pemahaman mengenai tentang siapa ibadah yang sesungguhnya.

Tauhid adlah''Tarkuttaohidi Minattaohidi''

Artinya : Meninggalkan bilangan satu dari satu penjelasannya:''Bila Adadin bila Saotin bila Harpin''artinya;''tidak termasuk bilangan,tidak termasuk suara,dan tidak termasuk hurup.

Jadi dalam Ilmu atau pemahaman Islam bahwa kata Tuhan adalah Allah,dalam masalah ini sering menjadi pertanyaan dikalangan Umat Muslim tentang keberadaan Allah,dimana,bagaimana dan seperti apa dan apabila di perdebatkan tentang keberadaan Allah itu,akan menjadi perdebatan yang tidak berujung dan kadang akhirnya menjadi perselisihan akibat dari perbedaan Ilmu dan pemahaman,akibat yang fatal kadang sampai terjadi permusuhan antar Umat Muslim,kalau kita sadri dan kita pahami sebenarnya umat muslim hanya mempercayai satu Kitab yaitu Al-Qur'an dan didalam Al-Qur'an itu isinya sebagian menerangkan tentang hukum Tauhid,akibatnya dari pemahaman pribadi tanpa didukung dengan hukum yang terdapat di dalam Al-Qur'an akan menimbulkan perbedaan pemahaman yang akibatnya menimbulkan perpecahan,untuk lebih jelasnya kita bahas Allah itu tidak termasuk bilangan artinya bilangan atau angka 123 dst,tidak layak untuk menyebutkan keberadaan Allah jangankan 2 dan 3 bahkan bilangan 1 pun tidak layak untuk menyebutkan Allah itu satu karena keterangan menyatakan bila adadin yang artinya bahwa Allah bukan satu tetapi satu adalah kepunyaan Allah,kemudian Allah itu tidak termasuk suara jadi Allah itu tidak bersuara sebab bila saotin tetapi suara adalah kepunyaan Allah,dan Allah tidak termasuk hurup[harpin]ssebab bila harpin Allah adalah bukan hurup tapi hurup[aksara]kepunyaan Allah.

Dari pembahasan diatas tentang adadin,saotin,harpin itu sifat-sifat yang tidak layak apabila di tujukan kepada Allah sebab Al-Qur'an menerangkan bahwa Allah''Subhaanahu Ammayasipuun''yang artinya:Allah bersih dari segala sifat yang tidak layak untuk disamakan dengan sifat makhluk-Nya.Al-Qur'an menegaskan bahwa Allah itu''Laisa Kaislihi Sai'un''artinya dia itu tidak ada contohnya,segala perkara pun kepada-Nya membahas ilmu Ketauhidan adalah penting bagi umat sebagai pengikutnya agar terhindar dari kemusrikkan kepada Allah sebab musrik itu sangat berbahaya terhadap keimanan pengikutnya,sehingga wajib memahami apa itu musrik,pahamilah bahwa musrik itu bisa terjadi dengan tiga perkara :

-Musrik I'tiqad bisa terjadi dalam hati dan terjadi dengan niat tanpa diketahui orang lain.
-Musrik Ucapan atau perkataan dimana ucapan yang keluar menyekutukan,bisa menhina,mengejek dan
  mensejajarkan Allah dengan makhluknya.
-Musrik Lampah atau kelakuan dan perilaku ini bisa terjadi perilaku tidak sesuai dengan hukum Allah.

Ketiga kemusrikan terjadi karena tidak memahami ilmu atau pemahaman mengenai Tauhid,juga ada yang terjadi karena ke taklidan kepada seseorang atau kepada sesuatu sehingga tidak tersa ada doktrin yang memasung terhadap pemahaman,sehingga pada akhirnya akal dan pemikiran terbelenggu pada luasnya wawasan dan pola pikir.

Neurangkeun Martabat Alam Tujuh

Martabat Alam Tujuh

-Alam Ahadiyat huruf Al
-Alam Wahdat huruf Lah
-Alam Wahdiyat huruf Mu
-Alam Arwah huruf Ham
-Alam Ajsam huruf Mad
-Alam Misal huruf A
-Alam Insan Kamil huruf Dam

Buktina alam dunya oge eusina ngan tujug poe,hakekatna nyaeta alam nu kasebat diluhur,tegesna a;lam tujuh teh lalakon Allah-Muhammad-Adam,kusabab eta wajib dikanyahokeunnana ku sarerea.Upama urang erk ngusul kana asal,sebab lamun teu dikanyahokeun ti ayeuna jalan-jalan jeung barang-barangna,atuh tangtu bakal sasab,moal bisa balik deui kana asal,sabab teu kapanggih deui jeung jalalna waktu tadi turun-turunna ti akherat ka alam dunya.

Ayeuna eta martabat alam tujuh teh,ku jisim kuring rek diterangkeun sarta make ibarat kalawan dibuktikeun ku gambar,supaya gampang dihartoskeunnana.

Gambar Martabat Alam Tujuh

Tafsirna

A.Nyaeta Alam Ahadiyat,martabat nu Maha Suci,dalilna Dzat Laisa Kamishlihi,hartina dzat anu teu aya upama.
Bakat kumaha atuh matak teu beunang diupamakeun?Naha bakating ku kawasana?atawa bakating ku agungngna?atawa bakating ku hiji-hijina?

Upama bakating ku kawasa,na kapan dina zaman eta mah teu acan aya dadameulannana,karana ngaran kawasa teh kudu bukti heula nu di damelna,kapan dina,dina alam Ahadiyat mah sumawona manusa,akherat jeung alam dunya ge teu acan aya.

Upama bakating ku agungna,da teu acan aya nu hina dina alam Ahadiyat mah,karana aya basa Agung teh sanggeusna aya anu hina.

Upama bakating ku hiji-hijina,da kapan teu acan aya dua zaman eta mah,sabab ari hiji teh saeunggeusna ayu nu loba.

Kumaha atuh pihartieunnana?supaya ata adil Dzat laisa kamishlihi teh jadi?kieu upama mufakat mah,nu matak alam Alhadiyat disebut dalil Dzat laisa kamishlihi.hartina Dzat anu teu aya upama,sategesna nyaeta bakating ku Suci,hartina beresih teu aya sifat-sifat acan sumawonna jenengannana.Naha rek diupamakeun jeung naon upama teu aya sifatna?sabab disaksian deui ku dalil nu Maha Suci teh Balaa Haifin,hartina teu warna teu rupa,teu beureum teu hideung,teu poek teu caang,Bilaa Makanin hartina teu arah teu enggon,teu di kulon teu di wetan,teu di kidul teu di kaler,teu diluhur teu di handap,tah kitu katerangannana,nu matak nu Maha Suci teu beunang di upama-upama,sumawonna di engon-enggon,dituduh diditu didieu,lantaran kaburu lain sabab kahalangan ku bukti.

B.Alam Wahdzat martabat sifatna nu Maha Suci,jadi alam Wahdzat mah nu Dzat Laisa teh jadi Dzat sifat,rupana caang padang,nyaeta kasebut Jauhar Awwal,Jauhar hartina Cahaya,Awwal hartina Mimiti,jadi nya eta nu pangheula-pangheulana aya samemeh Bumi jeung Langit,sumawonna manusa.Tapi eta Johar Awal teh nu kasebut hakekat Muhammad tea,kapan ceuk hadist oge Muhammad teh awal-awalna pisan,sabab Johar Awal teh Nur,tegesna Cahyana nu Maha Suci.Malah ceuk para wali mag Sagara Hirup atawa Sajatining Syahadat,karana gulungan Dzat jeung sifat atawa Allah jeung Muhammad dina hakekat.

C.Alam Wahidiyat,martabat Asmana nu Maha Suici,kajadian tina Jauhar Awwal alam Wahdzat tadi bijil deui sorotna jadi cahaya opat rupa nyaeta :

1.Nur Cahya beureum
2.Hawaun Cahya Koneng
3.Maun Cahya Bodas
4.Turobun Cahya Hideung
Jadi eta Cahya anu opat teh,nu kasebut Nur Muhammad,ari Muhammad mah di Johar Awal,barang eta Nur Muhammad Cahya opat perkara teh,kasebutna Hakekat Adam,nyaeta Asmana nu Maha Suci.

-Cahya nu beureum hakekatna lafad Alif
-Cahya nu Koneng hakekatna lafad Lam Awal
-Cahya nu Bodas hakekatna lafad Lam akhir
-Cahya nu Hideung hakekatna lafad He
Jauhar Awwal jadi hakekatna lafad Tasjid

Sare'atna jadi lafad Allah,jadi eta cahya nu kasebut di luhur teh,nu ngajadikeun bibit tujuh bumi tujuh langit sarawuh eusina kabeh,sanajan Agama oge ti dinya bae.

Ayana Syahadat nyaeta ku ayanan Johar Awal
Ayana Sholat nyaeta ku ayana Cahya Beureum
Ayana Zakat nyaeta ku ayana Cahya Koneng
Ayana Puasa nyaeta ku ayana Cahya Bodas
Ayana Munggah Haji nyaeta ku ayana Cahya Hideung

Sanajan waktu oge aya 5 waktu

Shubuh bagian Nabi Adam
Lohor bagian Nabi Nuh
Asyar bagian Nabi Ibrahim
Magrhib bagian Nabi Musa
Isya bagian Nabi Isya

Pertingkahna Sembahyang oge aya 5 perkara

Nangtung
Takbiratul Ikhram
Ruku
Sujud
Lungguh

Sahabat oge aya 4-5 Kanjeng Nabi

Sahabat Abu Bakar Ash-Sihidik
Sahabat Umar bin Khatab
Sahabat Usman bin Affan
Sahabat Ali bin Abi Thalib
Kanjeng Rasulullah

Di Mekkah aya Imam 4-5 Baitullah

Imam Syafi'i
Iman Hanafi
ImamHambali
ImamMaliki
Baitullah

Teh geuning sidik kabeh oge tina Asmana Allah,hakekatna nyaeta Nur Muhammad,cahya 4 perkara kalima Jauhar awwal.


D.Alam Arwah.martabat Af'alna nu Maha Suci,nyaeta Af'alna Allah Ta'ala ngajadikeun ieu alam dunya.
Kieu ceuk ilmu akal mah ngadamelna teh .

Ibarat dina bioskop mah nyaeta Istijradna bangsa walanda,alam Wahdzat nyaeta Johar Awal teh lir ibarat listrikna,ari Muhammad Nur Muhammad Alam

Wahidiat ibarat kacana
Narun teh ibarat kaca Beureum
Hawaun teh ibarat Kaca Koneng
Maun teh ibarat kaca Bodas
Turobun teh ibarat kaca Hideung

Barang eta kaca anu opat rupa disorot ku Johar Awal,kajadian bijil Kalangkangna

Tina Kaca Beureum jadi Seuneu Alam Dunya
Tina kaca Koneng jadi Angin Alam Dunya
Tina kaca Bodas jadi Cai Alam Dunya
Tina kaca Hideung jadi Bumi Alam Dunya

Ku kawasa-kawasa Allah ta'ala bleg bae jadi alam dunya,nyaeta jagat Kabir,jadi sategesna alam dunya teh kajadian tina Nur Muhammad.

E.Alam Ajsam,martabat manusa,sanggeusna ngadeg ieu alam dunya,Gusti nu Maha Suci bade ngersakeun deui nyitakeun alalm Majaji,terus nimbalan Malaikat,miwarang turun ka alam dunya,kudu nyokot aci seuneu,
aci angin,aci bumi,aci cai.Gancangna geus beunang eta aci-aci nu opat perkara teh terus didamel.

Aci Bumu kajadian kulit bulu Adam
Aci Seuneu kajadian Getih daging Adam
Aci Cai kajadian urat balung Adam
Aci Angin kajadian otot sungsum Adam

Kukawasa Allah ta'ala,jleg bae jadi dalill Muhammad,Mim-He-Mim-Dal,nyaeta :

Cahya nu Hideung jadi hakekat lafad Mim Awal
Cahya Nu Bodas jadi hakekat lafad He
Cahya nu Koneng jadi hakekat lafad Mim Akhir
Cahya nu Beureum jadi hakekat lafad Dal
Johar Awal jadi hakekat lafad Tasjid

Sare'atna nya jadi lafad Muhammad atawa sabalika tina lafad Allah.

Mim Awal lafad Muhammad tegesna Sirah
He lafad Muhammad sategesna Dada
Mim Akhir lafad Muhammad sategesna Udel
Dal lafad Muhammad sategesna Suku

Tapi teu acan bisa usik malik,ngagoler saperti Golek,gancang terus diliangan pat tiang,nyaeta di Panonan,di Cepilan,di Pangambungan,di Bahaman,terus eta liang diasupan ku sorotna Nur Muhammad,kajadian bisa usik malik eta Adam atawa Jagat Shagir teh,jadik sidik pisan ayeuna oge hirupna manusa teh sare'atna ku ayana chya,kitu deui maotna manusa teh ku teu ayana cahya.Samangsa-mangsa geus teu aya Cahyana Si jasad atawa Jagat Shagir,geus teu aya kakuatannana,buktina gancang buruk.

Kitu deui oge jagat Kabir nyaeta alam dunya pang kuatna teh,diangliputi ku sorotna Nur Muhammad,jadi moal salah deui Cahyana,nyaeta Panonpoe,Bulan,Bintang,tangtu bae ieu lam dunya ruksak,atuh tinggal naonna?tina Bumi tinggalna poekna,seuneu tinggal panasna,Cai tinggal tiisna,Angin tinggal hawana.

Saha anu bakal nyicingan eta naraka?teu aya deui anu bakal nyicingan teh nyaeta Idajil La'natullah tea,sakanca-kancana sakur nyawa manusa anu teu barisa balik deui ka Allah Ta'ala,sabab keur di dunyana beunang ku panggoda Setan,lantaran teu Iman ka Allah Ta'ala ka Rasulullah.

Karana eta Idajil teh,tadina mah Malaikat kakasihna Allah Ta'ala.Pangna di bendu ku Allah Ta'ala.lantaran samemehna aya Adam,dipiwarang ngeusian ieu alam dunya,tapi dijangjianna di alam dunya ngan sarebu Taun,kusabab Malaikat Idajil ngarasa betah di alam dunya,teu hayangeun deui balik ka Sawarga nepi ka tilu rebu Taun,tah didinya mimitna dibendu ku Allah Ta'ala,jadi geus teu meunang balik deui ka Sawarga,kudu tetep di Alam dunya bae.

Tapi engke bakal ditetepkeun dina dasar Naraka sanggeus Kiamatna ieu alam dunya,bakating ku badegongna san Idajil,manehna sanggup bae tapi nyuhunkeun idin rek ngagoda ka anak putu Adam,pibatureun manehna di Naraka,Gusti Allah ngidinan,hade tapi saha-saha anu teu Iman ka Aing jeung ka Rasulullah.

Ayeuna rek malikan deui pasal Adam,tadi diluhur ki jisim kuring geus di caritakeun,anu di damel Adam majai teh,tina Acina Seuneu,Angin,Cai,Bumi,bilih bae anu ngaos sareng ngadangukeun ieu kitab nyangka saperti Seuneu,Angin,Cai,Bumi teh diperes saperti nyieun aci Sampeu,saenyana lain kitu.

Jadi anu kasebat Aci Seuneu,Angin,Cai,Bumi teh buktina nyaeta sakur anu jaradi dina taneuh,saperti tatangkalan nu gede anu leutik,karana kapan  sidik bisana ngagedean tatangkalan teh ku opat perkara.

Hiji ku cicing dina taneuh,dua kudu kacaian,tilu kudu kaanginan,opat kudu kapanasan,cacakan karek ku kahieuman oge gening tara jadi buah.

Jadi kusabab eta tatangkalan lila cicingna di bumi,lila kacainannana,lila kaanginanna,lilla kapanasananna,jadi eta hawana asup kana tatangkalan,sanggeus gede tangkalna,nya terus bijil buahna,tah eta buabuahan teh bakating Wujud Adam,sanajan urang oge asal ti dinya bae,ngan bedana Adam mah didamel ku Allah Ta'ala barang kadieuna mah sanggeusna aya Adam jeung Babu Hawa,atawa Indung Bapa urang,bubuhan teh didahar heula nya kajadian aya Wadzi,Madzi,Mani,Maningkem.

Barang eta Wadi,Madi,madi,Maningkeum tepung,tegesna kontak jeung sorotna Nur Muhammad Cahya nu opat perkara tea,nya  kajadian kempel ngajadi jabang Bayi di jero Beuteung Indung.

Ani anu teu jadimah nyaeta snu teu kontak,henteu tepung jeung Nur Muhammad[Roh].Sabab tdai oge Allah Ta'ala teh wenang,wenang ngajadikeunnana jeung wenang teu ngajadikeunnana,Manusa mah teu aya kawasaan ngan ukur jadi lantaran pikeun ngajadikeun piwadaheunnana Roh bae,nyaeta tina sakur anu dituang,karana Indung Bap urang upama teu barang tuang moal jadi aya Cimanina.

Kala waktu Orok dijero beuteung teu acan aya nyawana,ngan kakara aya irup wungkul,nyaeta Roh Suci tea,numatak teu acan aya rasa naon-naon barang gubrag kaluar.

Roh Suci kontak,hartina tepung jeung hawa ieu alam dunya,nyaeta hawana tina Bumi,Seuneu,Cai,Angin,nya kajadian eta Orok aya Nafasna atawa sifatna Nyawa.

Hakekatna nyawa nyaeta rasa Jasmani,dina waktu eta Panon buncelik teu acan aya awasna,Ceuli molongo teu acan aya dengena,Irung teu acan aya Angseuna,Sungut teu acan bisa nyarita ngan karek aya sorana bae.

Barang geus dibere barang dahar nyaeta Cisusu atawa daharan naon bae,nyaeta tina Acina Bumi,Seuneu,Cai jeung Angin,jadi eta Aci nu opat perkara teh kajadian deui Acina,nyaeta ngajadi Getih opat perkara nu disebur Roh Jasmani,tuluy eta getih surup sinurup.

Getih hideung kajadian tina Aci Bumi sumurup kana Kulit,nya ngarubakan kulitna orok,hawana kaluar bijilna kana Baham,watekna bisa ngomong.

Getih nu Beureum kajadian tina Aci Seuneu,sumurup kana Daging,nyaeta ngagedean dagingna orok,hawana kaluar bijilna kana Ceuli,watekna bisa ngadenge.

Getih Bodas kajadian tina Aci Cai,sumurup kana tulang,nya ngagedean tulang[balung]Orok,hawana kaluar bijilna kana Panon watekna bisa ningali aya awasna.

Getih anu Koneng kajadian tina Aci Angin,sumurupna kana Sumsum nya ngalobaan Sumsumna Orok,hawana kaluar bijil kana Irung watekna bisa ngambung/panciuman.

Sanggeusna eta Orok geus rubak kulitna gede dagingna,gede tulangna loba sumsumna,kaluar deui hawana nyaeta Nafsu opat perkara,Amarah,Lowamah,Sawiyah,Mutmainah,nyaeta buktina sagala kahayang anu hade anu goreng.

Tug gening bukti ngagedeannana jasad teh,sanajan tanaga pikiran,akal sumawona paningal,pangrungu,pangucap,pangangseu,teu aya deui anging ku pitulungna Roh Seuneu,Cai,Angin,Bumi.Naon sababna pang nulung kitu teh?Teu aya deui pang kajadian sagal ti dunya teh,supaya eta parabot-parabot teh kudu digunakeun dipake parabot ibadah jeung kudu dipake parabot keu rnyieun jalan jalan pikeun nganyahokeun ka asalna,nyaeta ka Allah supaya manehna kabawa sampurna,tegesna kabawa balik deui ka Allah Ta'ala,karana anging manusa anu katetepan Agama,manusa anu katetepan Elmu,anu bakal bisa nyampurnakeun Roh-Roh sa Alam dunya kabeh oge pada arasup ka manusa.

Sumawon Rohna Bumi,Seuneu,Cai,Angin ata mah sapopoena,sanajan Roh-Rohna hewan nu halal nu haram nu beresih nu najis,eta sakabeh oge pada arasup bae ka manusa.

Kieu jalan-jalanna,saperti bangsa tatangkalan[Kai]beber sare'atna mah teu didahar ku manusa ,tapi kapan sok dipake nyuluhan sangu atawa naon bae tangtu ata Rohna asup kana Sangu,numatak jadi beda rasana waktu tadi keur beas keneh jeung geus jadi sangu,kitu deui bangsa hewan anu haram anu najis oge milu arasup bae,puguh ari jinisna mah teu di dahar,tapi upama Anjing,Babi paeh di Cai tangtu bangkena dihakan ku lauk Cai,Lauk Cai asup deui ka manusa,jadi sidik manusa teh jadi cukang keur mareuntas Roh-Roh sa Alam dunya balik deui ka Allah Ta'ala.

Kusabab eta sidik Gusti Allah mah Suci tetep teu nyiksa teu ngaganjar,sategesna-tegesna anu bakal nyiksa teh nyaeta roh-roh tina sagala rupa anu geus asup ka manusa,kulantaran teu dibawa balik deui ka Allah Ta'ala.Rohna seuneu bakal jadi Naraka panas,rohna cai engke bakal jadi Naraka Tiis,rohna Bumi engke bakal jadi Naraka Poek,rohna Hewan engke bakal nyeureudan atawa ngegelan kana nyawana manusa.

F.Alam Misal,martabat elmu,saha-saha manusa di dunyana geus ma'rifat kana asal wujudna,nyaeta Sagara Adam[C]tadi,eta elmuna geus tepi kana pangkatna Misal,hartina geus nyaho kana asal nyaeta sifatna Cahya Beureum,,Koneng,Bodas,Hideung,engke dina maotna bakal asup ka Sawarga,tegesna dina kani'matan anu teu aya babandingannana sarta langgeng teu aya putusna.

G.Alam Insan kamil,martabat Kasampurnaan,samangsa-mangsa manusa di dunya geus bisa ma'rifat kana sifatna Allah Ta'ala nu kasebut Johar Awal tea,atawa alam Wahdat[B]tadi,elmuna geus tepi kana pangkat Insal Kamil hartina manusa sampurna,engke dina maotna bakal jatoh kana pangkat Insal Kamil,hartina sarupaning sampurna,beak rasana,beak jasmanina,jadi Dzat Laesa Kamishlihi deui,saperti tadi samemah urang turun ka alam dunya.

Hak Cipta Milik Allah
Kitab Tauhid
Mama Guru
Ujang Guru
tulisan ieu sugan wae aya manfa'atna keur urang sarerea.amin

Neurangkeun Pasal Al-Qur'an

Ari Al-Qur'an teh aya opat perkara :

-Qur'anul Majid
-Qur'anul Karim
-Qur'anul Hakim
-Qur'anul Adzim

Ieu Qur'an anu opat perkara disurahannana ku sahiji Ajengan kieu :

-Qur'anul Majid,nyaeta any aya hurufna nu umum sok diajari ku kaom islam sadunya.
-Qur'anul Karim,nyaeta Qur'an anu mulya,buktina nyaeta keneh bae Qur'an anu aya tulisannana,karana eta anu dimulyakeun ku kaom Islam saAlam dunya.
-Qur'an Hakim,hartina Qur'an anu agung disebatkeun barangna eta keneh bae,Qur'an anu sok dabaraca,sabab eta anu diaragungkeun ku kaom Islam saAlam dunya.
-Qur'anul Adzim,hartina Qur'an anu suci jeung langgeng,dituduh eta keneh bae buktina mah Qur'an anu aya tulisannana,karana eta anu suci jeung langgeng hukumananna ti dunya nepi ka Akherat.

Tah kitu eta Qur'an anu opat perkara teh,disurahannana kunu Ahli Syara,jadi borong bae kajeun aya opat ngaranna,barangna mah ete-eta keneh bae.

Jadi anu kitu eta Qur'an tulisan teh dianggap Tapekong,karana kapan sidik Qur'an eta mah beunang nulis manusa,naha disebutkeun anu mulya,anu agung,anu suci anu langgeng,lapan sidik Qur'an tutulisanna mah keuna ku rusak.jadi lamun kaom Islam keukeuh boga patekadan kitu,atuh teu beda jeung Agama Cina,sesembahannana Migustina kana barang anyar,turug-turug nu nyieunna oge nu anyar.

Kusabab kitu muga dulur-dulur kaom Islam ulah kaliru,kieu eyeuna dihandap ku jisim kuring rek diterangkeun pasal eta Qur'an anu opat perkara teh.

-Qur'anul Majid,eta mah cocog barangna,nyaeta Qur'an majaji anu bukti aya hurufna,umum sok dibaraca ku sarera kaom Islam.

-Qur'anul Karim,hartina Qur'an anu mulya,sategesna any ngaran Qur'anul Karim teh buktina Panangan katut Ramo,karana kapan sidik jolna eta aksara teh tina tangan jeung Ramo,jadi sategesna anu mulya teh nyaeta Panagan katut Ramona anu mimiti ngadamel eta Qur'an,cik saha anu nganyahokeun eta Qur'an?Piraku teu kaharti,tah eta anu mulya teh.

-Qur'anul Hakim,hartina Qur'an anu Agung,nyaeta buktina teh Paningal,karana Panangan Ramo moal bisa nulis upama teu aya Paningal,jadi sateges-tegesna nu agung teh nyaeta Paningalna anu mimiti ngayakeun eta Qur'an.

-Qur'anul Adzim,hartina Qur'an Suci jeung langgeng,nyaeta buktina hirup,karana PaningalTangan jeung Ramo moal bisa ngajadikeun upama teu aya hirup,jadi sateges-tegesna anu suci jeung nu langgeng teh hirupna nu mimiti ngayakeun eta Qur'an.

Kusabab kitu urang oge ayeuna ngaji teh,lamun hayang tepi kana sucina lamun hayang tepi kana sampurnana,eta Qur'an anu opat perkara teh,kudu diaji kabeh.

mimiti urang kudu daek maca Qur'anul Majid ,nyaeta Qur'an majaji anu aya hurufna,tah eta bagian ilmu sare'at,sanggeus dibaca kudu terus di aji,nyaeta kudu dihartikeun pimaksudeunnana,sanggeus kaharti pimaksudeunnana,geura teangan jeung pigawe tarekatna sankan karasa,sabab eta Qur'annul Majid teh tuduh jalan pikeun nganyahokeun ka Allah ka Rasulullah,jalanna teu aya deui lian ku tarekat,nyaeta Qur'anunul Karim,hartina kudu ngaji pagawean tangan jeung Ramo urang anu sakira bakal tepi ka Allah ka Rasulullah.

Karana Gusti Allah maparin leungeun jeung Ramo ka manusa teh,lain kudu dipake ngajadikeun kana barang dunya anu keuna ku ruksak bae,tapi jeung kudu dipake ngajadikeun jalan keur nganyahokeun ka Allah ka Rasulullah,supaya tangan jeung Ramo urang teh jadi Mulya,karana aya dalilna :

Asho biahum fii adzaanihim minasshowaiki
Hadzarol mauti walahu muhitun bil kaafiriin

Kieu Pisundaeunnana : Lamun tangan jeung Ramo maneh teu dipake jalan maot,tetep tangan jeung Ramo maneh martabat ramo hewan,kafir tetep bakal ka naraka.

Tina Qur'anul Karim kudu naek deui kana Qur'an Hakim bagian hakekat,nyaeta kudu ngaji pagawean paningal urang anu sakira bakal hakim tegesna kana barang langgeng tea,nyaeta kana hakekatna Allah jeung Muhammad,karana Gusti Allah maparin awas paningal ka manusa teh lain bae kudu dipake kana ngawaskeun barang anyar anu keuna ku ruksak bae,tapi jeung kudu dipake ngawaskeun kana hakekat Allah jeung Rasulullah,nyaeta anu kasebut Qur'anul 'Adzim anu langgeng tea atawa sifatna hirup,bibitna tujuh bumi tujuh langit sarawuh eusina kabeh.

Tah didinya urang oge asalna jadi sategesna ngaran ma'rifat ka Allah teh nyaeta anu nyaho kalawan Hakim kana hakekat Allah jeung Muhammad tegesna Jauhar Awwal.

Tapi Johar Awal sajati mah nyaeta kasebut Johar Latif,tegesna gaib moal nisa katingal ku panon kapala,ceuk dalilna kieu :

Ru'yatullahi ta'ala fii dunya bi'ainil qalbi.

Hartina Sunda : Ningali hakekatna Allah Ta'ala di dunya ku awasna ati,tegesna ku hakekatna Rasulullah,sabab sifat jalma mah moal aya anu bisa ma'rifat ka dinya,karana jelma mah ngan ukur dipake tempat ningalina Rasulullah ka Allah Ta'ala.

Samangsa-mangsa wujud geus bisa dipake tempat ningalina Rasulullah ka Allah ta'ala,tangtu Ramo urang bisa nyaritakeun yen geus ngaku nyaho ka Allah ta'ala,lantaran  geus dibejaan[dipasihan terang]ku Rasulullah,jadi urang mah kabawa nyaho kabawa ni'mat ku Rasulullah,ti dunya nepi ka akherat,moal sulaya deui sabab geus tetep jadi umatna Rasulullah.

Karana ti ayeuna oge geus teu ngarasa pisahna jeung Rasulullah,lantaran wujud teh beurang jeung oeuting dianggo bae tempat ku Rasulullah ningali ka Allah ta'ala.Samangsa-mangsa geus ngarasa babarengan beurang peuting jeung nu suci,Insya Allah tekad jeung laku teh lila-lila kabawa suci.

Setan-setan ge moal dareukeut,tapi kitu soteh nu ma'arifat kalawan tauihidna,ari teu tauhidna mah sulaya bae,sanajan geus boga tarekatna.

Teu ngarasa sieun teu ngarasa isin,jongjon bae tekad jeung lakuna sakama-kama,jadi nu kitu teh Ma'rifatna,Ma'rifatna Mikung,tangtu di dunyana ge moal meunang safa'at ti Rasulullah,di dunyana moal lepot tikasusah,kabendon ku nu Maha Suci,Suci eusina,Suci cangkangna,kakara jadi,di dunyana moal lepot tina kani'matan,di akherat pon kitu deui.

Kusabab eta poma pisan dulur-dulur anu geus jalan boga jalan ka ma'rifatan,tekad jeung laku goreng teh kudu dijaga bener-bener,ulah darapon nyaho bae,tapi kudu jeung dibarengan ku lakuka jeung tekadna anu hade,sabab lamun urang ngalakonan pagawean am'siat ngalanggar hukum Syara,tangtu urang gancang dibendonna ku Maha Suci langkung beurat,hukumana bongan,beda deui jeung nu tacan nyaho,saperti di dunya oge,upama urang kampung maling hayam,dihukumna ngan ukur di denda atawa di bui saminggu,coba lamun wadana maling hayam hiji,tangtu leuwih beurat hukumannana,jaba ti leupas pangkatna teh,jeung bari dihukum tikel dua tilu ti sakampung tadi.

Hukuman bongan geus nyahi kana artikalna,komo anu geus nyaho ka Allah ta'ala mah,sing inget perjajangjian Guru Mursyid[Guru nu geus inkisaf ka Pangeran]ibadah babarengan doraka pipisahan.

Rukun Iman Anu KaGenepna Nyaeta

WAL QODRI KHAIRIHI WASIRRIHI MINALLOHI TA'ALA

Sundana : Untung ala untung becik papasten ti Allah Ta'ala atawa hade goreng ti Allah Ta'ala

Lebah dieu urang percayana teh ulah kaliru,kudu dipikir dilenyepan karana tadi Gusti Allah teh sifat Maha Suci.Prilaku anu suci make bakal nyiksa,make bakal ngaganjar engke di akherat,jadi ana kitu mah Gusti Allah ngadamelna manusa teh ngalap faedah,kersana rek ngaganjar jeung nyiksa.

Lamun kitu mah moal tulus sucina Allah Ta'ala teh,tapi urang kudu percaya kana dalil,urang kudu percaya kana ayana Sawarga,Naraka atawa ngeunah teu ngeunah engke di akherat,karana  ayeuna ge di dunya kembangna geus karasa,aya ngeunah jeung teu ngeunah,tapi Sawarga Naraka teh lain ti Allah tapi sategesna tina tekad ucap jeung pamolah urang keur waktu di dunya,sabab tadi Gusti Allah ngadamelna manusa teh sakali jadi,henteu nungtutan deui,geus Kun Fayaakun breg sama sakali cukup teu aya kakurangannana.

Tapi maparin cukup teh nyaeta parabotna wungkul,naon parabot ti Allah Ta'ala teh? Nyaeta anggahota saperti leungeun dua,suku dua,panon dua,ceuli dua,irung,baham jeung nafsu anu opat perkara[Amarah,Loamah,Sawiyah,Mutmainah].Kieu dawuhna Allah Ta'ala lamun maneh hayang ka naraka tegesna hayang kana teu ngeunah,prak bae migawe 'ala,nyaeta migawe kalakuan anu goreng,da kapan geus sadia parabotna ti Aing,aya Amarah Lowamah Sawiyah.

Kitu deui lamun maneh hanyang ka Sawarga tegesna kana kangeubahan,pek bae geura migawe becik,hartina migawe kalakuan anu hade,da kapan geus sadia parabotna ti Aing nyaeta nafsu Mutmainnah,tah kitu tegesna mah pang aya sawarga Naraka di dunya sumawon di akherat oge,beunang nyieun tina tekad jeung pamolah urang waktu keur di dunya,kitu deui beubeuheungannana oge moal keur batur,tetep keur milik sorangan,ti dunya nepi ka akherat.

Jadi kusabab eta ayeuna urang sarera mangka ati-ati enggoning ngajalankeun parabot ti Gusti Allah teh kudu make budi jeung pamilih anu cukup.ulah rek ngagunakeun teuing parabot Amarah Lowamah sawiah,kilangbara ari teu dpake pisan mah,atuh ulah loba-loba teuing,sakurang-sakurangna sing sami timbang jeung ngagunakeun parabot Mutmainnah.

Karana sing awas,eta beubeunang tina pagawean urang teh engke di akherat ku Gusti Allah bakal ditetepkeun,sabeunang-beunangna tina  pagawean urang ti pangumbaraan nyaeta di alam dunya,saboga-bogana moal pahili deui.

Kumaha atuh akalna supaya urang bisa ngalobakeun parabot Mutmainnah?teu aya deui akalna lian ti urang kudu bisa nyalindung ka Allah ka Rasulullah,tegesna ku Ma'rifat,tiap-tiap geus ma'rifat tangtu bisa ngarasa babarenganna beurang peuting jeung Allah jeung Rasulullah.

Tiap-tiap geus ngarasa teu pisah,Insya Allah bisa hade,ibadah kalawan syah Nagara ge tangtu aman.

Dilanjutkeun ka Nerangkeun pasal Al'Qur'an...

Bagbagan Islam

Ari tegesna Islam teh suci,beresih tina sagal kotoran,naon anu ngajadikeun kokotor teh? Teu aya lian anging nafsu,kusabab eta bae jalmana di dunya nu teu baga nafsu? Sumawona di nu jalan ma'siat,sanajan dinu ahli agama oge pada katetepan nafsu,komo deui anu make sirik pidik ujub riya takabar,sanajan nafsu hayang ka dunya oge geus kotor bae,kieu katerangannana.

Sategesna Isalam teh teu dua teu tilu.estu ngan hiji-hijina,malah keur sahiji teh Gaib,nyaeta sategesna sifatna Islam teh Nur,tah eta anu katetepan nafsu teh,sabab tadi geuning urang keur aya dina Allah Nur mah teu boga nafsu hayang nanaon.Kitu deui anu Islamna oge teu dua teu tilu,da ngan sahiji-hijina,nyaeta Kanjeng Rasulullah.Tuh geuning jalma mah teu kabagean pangkat Islam,jalma mah ngan ukur jadi umat,sabab kudu nyaho heula ka Rasulullah,kana parentahna oge loba anu teu ngalakonan,kapan dina rukun islam oge diwajibkeun jarah ka Madinah ka Pakuburannana Rasulullah,jeung ka Baetullah,hakekatna kudu terang kana hakekatna Rasulullah jeung Karatonna Allah Ta'ala nu aya di diri urang sorangan,kapan aya dalilna :

''KULLU UMMATIN WA RUSULIHI''
Sundana : Dina sakabeh pada katetepan Rasulullah,hartina rasana Allah.

Kusabab eta perlu urang panasaran,wajib nganyahokeunnana kana hakekat Rasulullah nu aya di badan sorangan.Peupeuriheun jarah ka Mekah ka Madinah teu bisa,kapan tadi ge aya dua rupa Munggah Haji teh,Haji Majaji jeung Haji Hakeki.

Haji Majaji nyaeta anu bisa jarah ka Baetullah jeung ka Madinah.

Haji Hakeki nyaeta anu geus nganyahokeun kana hakekatna Baetullah jeung Rasulullah dina diri sorangan,karana Rasulullah teu pupus,upama pupus mah alam dunya ge moal aya,kapan geuning Kanjeng Gusti Syarif Hidayatullah oge tiasa tepang di jalan tarekat,jadi sanajan urang oge upama hayang jadi umat Rasulullah kudu bisa nyaho kana hakekatna Rasulullah nu kasebut Johar Awal tea,sing kapanggih jeung tarekatna lelebarannana tina para Wali.

NEURANGKEUN UMAT RASULULLAH

Ari umat Rasulullah teh haq-haqna mah ngan aya opat nyaeta :
-Sahabat Abu Bakar Sidiq,Radiallahu Anhu
-Sahabat Umar Bin Khatab,Radiallahu Anhu
-Sahabat Usman Bin Affan,Radiallahu Anhu
-Sahabat 'Ali Bin Abi Thalib,Karomullahu Wajhah

Sabab eta anu opat nu sagalung beurang peuting jeung Rasulullah,serta didamel Sahabat[utusannana Rasulullah],tapi ayeuna sarerea oge meureun terang yen eta Sahabat anu opat teh geus parupus majajina mah,tapi hakekatna mah teu pupus,aya di badan manusa,kapan Rasulullah oge hakekatna oge aya di manusa.

-Hakekat Abu Bakar nyaeta Paningal
-Hakekat Umar nyatana Pangdangu
-Hakekatna Usman nyatana Pangucap
-Hakekatna 'Ali nyatana Pangangseu

Eta Paningal-Pangdangu-Pangucap-Pangangseu teh gaib kabeh teu aya rupana,teh eta hakekatna Sahabat teh,anu matak eta Sahabat anu opat teh kudu nganyahokeun kana hakekat Kanjeng Nabi Muhammad SAW,jeung kudu jadi hiji sing bisa ngarasa babareungannana beurang peuting jeung Rasulullah.

Samangsa-mangsa geus teu ngarasa papisahna jeung Rasulullah,tetep jadi umatna.Tiap-tiap geus jadi umatna tangtu engke bakal disampurnakeunnana,didatangkeun ka Gusti Maha Suci[asalna],upama teu nyaho ayeuna mah ka Rasulullah sarta teu ngarasa ngahijina engkena oge pipisahan bae,nyawa urang moal salah deui tangtu balik deui ka dunya marakayangan jadi jurig,setan,siluman atawa nitis-manitis deui ka jalma atawa ka sato.

Samangsa-mangsa nyawa manusa balik deui ka dunya tetep bakal cilaka asup ka Naraka,engke dina Kiamatna ieu alam dunya,karana ayeuna nyawa-nyawa manusa anu marakayangan tgesna teu bisa balik ka Allah,ceuk basa ayeuna mah keur di Preventieif,aya di alam Barjah tunggu-tunggu Landraad,engke inget bakal aya landratan nu leuwih gede dina WalyaumailAkhiri[kiamat ieu alam dunya].

Mimitna Mun Rek Neangan Pangeran

Aya dawuhanna Kanjeng Nabi Muhammad Sholallahu Alaihi Wassalm :

''Man  Tholaba Maulana Boghairi nafsihi  Faqad Dolla Dolaalan Ba'da''

Sundana : Saha-saha manusa neangan Pangeran kaluar tina dirina sorangan,mangka temen-temen eta si jalma kasasar,karana dina tekadna ngarasa jauhna jeung Allah Ta'ala,padahal aya dalilna :

''Wa nahnu aqrobbu ilaihi min hablii warid''

Sundana : Aing geus teu aya antarana deui jeung maranehna sakabeh,sanajan diibaratkeun urat beuheung jeung beuheung maneh pribadi oge,masih keneh deukeut keneh maneh jeung Aing.Nu matak manusa leuwih dimulyakeunanna ku Allah Ta'ala kapan ceuk hadistna oge kieu :

''Wa laqad karomma bani Adam''
Sundana : Kami geus ngamulyakeun pisan ka anak putu Adam

Malah aya deui dalilna :

''Laqad Khalaqnal insaana fii ahsani taqwiin''
Sundana : Manusa teh pang alus -alusna jeung pang aheng-ahengna kajadian ti sasama makhlukna Allah Ta'ala.Geura lamun maneh geus nyaho kaayaan dina sajero sorangan,tangtu engke ngarasa kaahengannana anu aya di badan sorangan.

Aya deui dawuhannana Kanjeng Nabi Muhammad SAW.

''Man'arofa nafsahu faqad'arofa robbahu''
Sundana : Saha-saha anu geus nyaho ka dirina sorangan geus tangtu nyaho ka Pangerannana.

''Wa man'arofa robbahu faqad jahilan nafsahu''
Sundana : Jeung saha-saha anu geus nyaho ka Pangeran,tangtu ngarasa bodo dirina,karana tangtu kaharti si jasad moal bisa usik malik lamun teu di daya upayakeun ku Pangerannana.

Sidik ieu si jasad teh jadi rokrakna,anu matak urang kudu ngaji teh ulah ngaji kitab anu keuna ku ruksak bae,tapi kudu ngaji kitab anu langgeng kapan ceuk hadist oge kieu :

''Iqra kitabaka kafa binafsika alyauma'alaika hasiba''
Sundana : Maneh kudu ngaji kitab anu langgeng,nyaeta kudu ngaji kitab langgeng anu aya dina diri maneh sorangan,geura teangan Qudrat Iradatna Pangeran dina diri sorangan,karana leuwih nyata kakawasaannana.

Pangeran teh dina diri sorangan,jeung leuwih nyata hirupna Pangeran teh dina diri sorangan,jeung leuwih nyata tingalina Pangeran teh dina diri sorangan,jeung leuwih nyata danguna Pangeran teh dina diri sorangan,serta leuwih nyata pangandikana Pangeran teh dina diri sorangan,karana ceuk dalilna :

''Wa huwa ma'akum ainama kuntum''
Sundana ; Allah Ta'ala teh ngabarengan bae ka umat-umat sakabeh,dimana bae manehna aya,di dinya Aing aya,tapi sategesna ngaran dibarengan ku Allah Ta'ala teh nyaeta,ku Qudrat Irodatna jeung ku ilmuna,kapan sidik dina sifat dua piluh oge geus ngarangkep-rangkep saperti :

Hayat jeung Hayan
Hayat hartina Hirup
Hayan hartina Nu hirup

Sama jeung Sami'an
Sama hartina Dangu
Sami'an hartina Nu Ngadangu

Bashar jeung Bashiran
Bashar hartina Ningali
Bashiran hartina Nu ningali

Kalam jeung Mutakaliman
Kalam hartina Ngucap
Mutakaliman hartina Nu Ngucap

Qudrat jeung Irodat
Qudrat hartina Kawasa
Irodat hartina Keresa

Naon nu Kawasa di diri urang teh?Teu aya deui lian ti Hirup,buktina gening bisa usik.

Iradat hartina keresa,nyaeta buktina :
Panon bisa ningali
Cepil bisa ngadangu
Baham bisa nyarita
Pangambung bisa Ngangseu

Tuh geuning bukti,sidik teu pisahna teh,ayeuna mah atuh ngan kari neangan barangna bae,siga naon sifatna Qudrat atawa sifat Hirup teh? Wajib pisan kapanggihna supaya bisa kaharti jeung karasana,ulah percaya ceuk beja kudu nyaho ceuk sorangan.

Jadi anu kitu faham teh meh sarerea,Iman ka Allah teh semet percaya kana ayana bae,pedah aya dadamelanna Bumi jeung Langit,atuh anu kitu mah sumawonna nu nyekelna Agama Islam,kapan anu nyekelan agama sejen-sejen oge pada percaya kana ayana Allah Ta'ala mah,atuh naon bedana Agama Islam jeung agama sejen? Pedah eta kitu agama Islam mah aya rukuna,Syahadat,shalat,Zakat,Puasa,munggah Haji? Kapan dina Agama sejen oge aya Syahadatna,pada aya sholatna,ngan beda pertingkahna jeung basana wungkul,maksudna tangtuna sarua.

Kapan tadi agama Islam teh pang luhung-luhungna ti Agama-agama nu sejen da kapan kieu dalilna oge :

''Al Insaanu Sirri Wa Anna Sirruhu''
Sundana : Rasa Muhammad teh nta rasa Allah,Allah Haqna Muhammad.
Tah kitu,anu matak Agama Islam disebut pang luhur-luhurna teh,lantaran pang parek-parekna ka Allah Ta'ala.moal aya Allah lamun teu aya Muhammad,moal aya Muhammad lamun teu aya Allah.

Stegesna moal aya sifat lamun teu aya Dzat,moal aya Dazat lamun teu aya sifat,anu matak Kanjeng Rasulullah disebat Panguluna Rasul,jeng disebat Babuning Roh sakabeh,jadi agam Islam pang kasebat luhurna teh,nyaeta ku sabab aya Haq ka Allah Ta'ala.Kapan bukti Mi'raj,barang beh dieuna mah Kanjeng Gusti Syarif Hidayatullah Wali kutub Cirebon,Mi'rajna teh tiasa tepang sareng hakekatna Kanjeng Nabi Muhammad SAW,nyaeta anu kasebat Jauhar Awwal tea,tegesna sifat nu Maha Suci,saur para Wali mah Sajatining Hirup atawa Sajatining Syahadat,nyaeta gulungan Dzat jeung Sifatna Maha Suci.

Jadi,sanajan urang oge upama bisa kapanggih mah jeung Tarekat Wali,Insya Allah bisa patepang sareng Hakekat Rasulullah,samangsa-mangsa geus bisa tepung jeung Hakekatna Rasulullah,kakara urang diaku umatna,Samangsa-samangsa geus diAku umat Rasulullah,Insya Allah engke bakal dicandak kana kasalametan Ajneuna,nyaeta kana Kasucian.

Upama teu acan kana hakekatna,tetep teu acan syah urang ngaku jadi umat Rasulullah teh,karana dina rukun syahna maca Syahadat oge geus diterangkeun dina kitab :

Kudu netepkeun heula Dzatna Allah Ta'ala
Kudu netepkeun heula Sifatna Allah Ta'ala
Kudu netepkeun heula Asmana Allah Ta'ala
Kudu Sidik heula ka Raulullah

Tah geuning kitu maca syahadat teh,gening kudu,sidik heula ka Rasulullah,sabab kumaha bisa netepkeun ayana Allah jeung Rasulullah,upama teu acan nyaho [ma'rifat] kana sifat-sifatna,sabab,bisa netepkeun teh,kudu puguh heula barang-barangna anu ditetepkeunnana.

Gening kitu satemen-temena maca Kalimah Syahadat teh,lain darapon nyebat bae,karana ari darapon nyebut bae mah,budak lembut oge pada bisa.

Nu matak wajib jeung nyahona,sabab upama teu jeung nyahona mahibarat maca programma bioscoop anu rame,tapi teu jeung lalajona,naha jadi kani'matan ka urang?kitu deui sanajan teu maca programmana,tapi lalajo datang kana tempatna eta bioscooop,naha utama mana? Utama anu maca programmana tawa utama nu lalajona?

Kitu deui dina bab Agama [ilmu],nu ngaos atawa nu ngadangukeun kana ieu kitab,ulah gancang percaya,ulah gancang ngalain-lain,karana ieu zaman geus alur,pikiran jalma geus naraek,geus teu pati hayangeun dibobodo.

Jalma ayeuna mah dina sagala rupa hayang karasa hayang yakin,sing inget kana babasan kolot baheula,Batu turun keusik naek,teu halangan mungguhing kawenangan Allah,si koloy jadi bodo,si budak jadi pinter,jeung kudu inget mungguh ilmuna Rasulullah teh aya opat pangkat nyaeta :

Ilmu Sare'at
Ilmu Tarekat
Ilmu Hakekat
Ilmu Ma'rifat

Dina zaman ayeuna mah ilmu ma;rifat anu diarudag-udag teh,hayang sidk ka Allah ka Rasulullah,da bongan aya dalil :

''Wa'bud robbaka hatta ya'tiyakal yakiin''
Sundana : Nyembah ka Allah teh kudu sidik sarta yakin supaya syah Dzatna,syah Sifatna,syah Asmana,syah Af'alna.

Enggoning ngumbara di alam dunya teh,sing tepi ka ngarasana teu papisah jeung Allah jeung Rasulullah.Samangsa-mangsa geus teu ngarasa pisahna jeung Allah jeung Rasulullah beurang peuting,sugan pirak urang rek goreng tekad,goreng laku saperti sirik pidik,jail kaniaya kasasama makhluk,karana tangtu isinna,lantaran ngarasa di poconghok beurang kalawan peuting ku Pangeran.

Sagala hal moal disumput salindungkeun deui,jeung sagala hal kalakuan naon bae,moal make Ujub Takabur Riya,karana ngarasana geuning diri urang teh Hina Bodo Di'if.Bisa soteh jadi aya rizki pagawean bisa jadi, sihoreng kalawan pitulungna nu Maha Suci,nyaeta  Qudrat Iradatna anu Kawasa.

Jadi ayeuna oge bisa ditetepkeun,samangsa-mangsa jalma make kalakuan Sirik pidik Jail Kaniaya ka sasama makhlukna Allah Ta'ala,boh dinu Ma'siat,boh di Lebe.boh di Santri,boh di Kyai pisan,ciri-ciri eta jalma tacan ngarasa deukeutna jeung Rasulullah sumawaonna jeung Allah Ta'ala,samangsa-mangsa teu ngarasa deukeutna jeung Pangera,tangtu laku jeung tekadna cicing dina Ujub Riya Takabur,sok ngaku aing pinter teu deungeun,ngaku bener aing teu deungeun,ngaku bisa ngaji aing teu deungeun,ngaku Islam aing teu deungeun,Jadi jalma kitu teh ngaku boga Qudrat Iradatna sorangan bae,teu narima kana Qudrat Iradatna Pangeran,jadi ngarebut atawa mapadani kana kakawasaannana Allah Ta'ala.

Kapan teu gampang urang ngaku islam,sumawonna taduh-tuduh ka batur,Si itu Islam Si itu kafir,karana Islam Kafir Anging Gusti Allah anu uninga jeung nu baris nentepkeunnana.

Asal Ti Allah Kudu Balik Deui Ka Allah Ta'ala.

Kusabab kitu tangtu sarerea oge meureun pada bingung keneh,pada-pada percaya oge,lantaran urang pada teu ngarasa tdi inditna ti Allah,turunna ka Alam dunya,tapi kusabab dalilna kitu,gancang bae ngaku yen urang asal ti Allah,tapi ngakuna teh sasemat biwir bae,kapaksa ngaku soteh sieun disebutkeun kufur kafir karana henteu oercaya kana dalil,tapi atina mah keukeuh poek teu kaharti ku sabab teu karasa,kusabab eta ayeuna pribados arek mere panerangan saeutik,malah mandar tiasa percanteun sareng karaosna,urang tadi asal ti Allah,kieu katerangannana,urang papay ti handap ka luhur supaya kaharti  ku akal.

Mimiti urang tumarima asal ti mana?-Nu kaharti jeung ku umum,urang asal kaluar teh ti Indung
Teruskeun deui papay ka luhurna,arti Indung asalna ti mana?Tangtu Indung urang teh kaluar ti Nini
Ari Nini asalna ti mana? Teu salah deui asal kaluat ti Buyut
Ari Buyut asal ti mana?Tangtu kaluarna ti Bao
Ari Bao asalna timana?Nya asalna kaluar ti Janggawareng
Ari Janggawareng asal ti mana? Tangtu kaluar ti Udeg-udeg
Ari Udeg-udeg asl ti mana? Tangtu asalna kaluar ti kakait Siwur,saterusna kitu bae,ti Indungna deui,ti Indungna deui nepi ka Babu Hawa
Ari Babu Hawa asal ti mana? Ku sakaol ceuk hadist asalna Babu Hawa teh asal tina Iga Burungna Nabi Adam
Ari Nabi Adam asal ti mana? Diterangkeun ku hadist,asalna Nabi Adam tina Aci Bumi-Seuneu,Cai,Angin

Ari Nabi Adam asal ti mana? Diterangkeun ku hadist asalna tina Nur Muhammad,Cahya opat perkara :

1.Cahya Hideung hakekatna Bumi
2.Cahya Bodas hakekatna Cai
3.Cahya Koneng hakekatna Angin
4.Cahya Beureum hakekatna Seuneu

Ari Nur Muhammad asal ti mana?Eta oge diterangkeun ku hadist asalna tina Nurna Maha Susi,nyaeta tina Jauhar Awwal,tah semet eta buntu,sabab geus diterangkeun ku hadist jeung Qur'an,eta Jauhar Awwal teh bibitna Tujuh Bumi,Tujuh Langit,saweuruh eusina kabeh.

Jadi,ana kitu ceuk dalil asal ti Allah nyaeta asal ti dinya tina Jauhar Awwal tea,Sifatna Caang Padang,nyaeta gulungan Dzat jeung Sifatna Maha Suci,kakara jeneng Asma Allah.

1.Cahya Beureum jadi hakekat Lafad Alif
2.Cahya Koneng jadi hakekat Lafad Lam Awal
3.Cahya Bodas jadi hakekat Lafad Lam akhir
4.Cahya Hideung jadi hakekat Lafad He
5.Jauhar Awal jadi hakekatna Tasjid

Kitu katerangannana,jadi eta Cahya nu kasebut di luhur teh anu di sebut Ismudzat tea,hartina Dzat laisa kamishlihi atawa Asmana nu Maha Sui,ceuk anu ahli Padzikiran mah Latifah tea,tah engke teh kudu bisa balik deui ka dinya,nu matak kacida wajib dikanyaohkeunnana ti ayeuna.

Geura susul tarekatna anu bisa miceun hijabna atawa pipindingna anu jadi moekan kana eta Dzat Sifatna Allah Ta'ala,sing kapanggih jeung hakekatna Tasjid Muhammad,anu aya dina wujud pribadi,tah eta kunci Muhammad anu bakal bisa ngagubrak-abrik hijabna ka Allah Ta'ala.

Upama kapanggih Insaya Allah tangtu urang bisa nyumponan kan babasan Mulih ka Jati,pulang ka asal,nyaeta mulih ka jati teh,rasa jasmani anu ayeuna keur dipake balik deui kana rasa tadi keur waktu aya dina Nurullah[Jauhar Awwal].Ari pulang ka asal nyaeta jasmanina ngjadi asalna deui,nyaeta ngajadi Nur Muhammad,Cahya Opat rupa deui,beureum,Koneng,Bodas,Hideung,samangsa-mangsa balik ka asal,nya ngaranna sampurna,hartina beak beresih beak rasana beak jasmanina.

Ku :
Mama Guru
Ujang Guru
Hak Cipta Milik Allah Ta'ala