Rukun Iman Anu KaGenepna Nyaeta

WAL QODRI KHAIRIHI WASIRRIHI MINALLOHI TA'ALA

Sundana : Untung ala untung becik papasten ti Allah Ta'ala atawa hade goreng ti Allah Ta'ala

Lebah dieu urang percayana teh ulah kaliru,kudu dipikir dilenyepan karana tadi Gusti Allah teh sifat Maha Suci.Prilaku anu suci make bakal nyiksa,make bakal ngaganjar engke di akherat,jadi ana kitu mah Gusti Allah ngadamelna manusa teh ngalap faedah,kersana rek ngaganjar jeung nyiksa.

Lamun kitu mah moal tulus sucina Allah Ta'ala teh,tapi urang kudu percaya kana dalil,urang kudu percaya kana ayana Sawarga,Naraka atawa ngeunah teu ngeunah engke di akherat,karana  ayeuna ge di dunya kembangna geus karasa,aya ngeunah jeung teu ngeunah,tapi Sawarga Naraka teh lain ti Allah tapi sategesna tina tekad ucap jeung pamolah urang keur waktu di dunya,sabab tadi Gusti Allah ngadamelna manusa teh sakali jadi,henteu nungtutan deui,geus Kun Fayaakun breg sama sakali cukup teu aya kakurangannana.

Tapi maparin cukup teh nyaeta parabotna wungkul,naon parabot ti Allah Ta'ala teh? Nyaeta anggahota saperti leungeun dua,suku dua,panon dua,ceuli dua,irung,baham jeung nafsu anu opat perkara[Amarah,Loamah,Sawiyah,Mutmainah].Kieu dawuhna Allah Ta'ala lamun maneh hayang ka naraka tegesna hayang kana teu ngeunah,prak bae migawe 'ala,nyaeta migawe kalakuan anu goreng,da kapan geus sadia parabotna ti Aing,aya Amarah Lowamah Sawiyah.

Kitu deui lamun maneh hanyang ka Sawarga tegesna kana kangeubahan,pek bae geura migawe becik,hartina migawe kalakuan anu hade,da kapan geus sadia parabotna ti Aing nyaeta nafsu Mutmainnah,tah kitu tegesna mah pang aya sawarga Naraka di dunya sumawon di akherat oge,beunang nyieun tina tekad jeung pamolah urang waktu keur di dunya,kitu deui beubeuheungannana oge moal keur batur,tetep keur milik sorangan,ti dunya nepi ka akherat.

Jadi kusabab eta ayeuna urang sarera mangka ati-ati enggoning ngajalankeun parabot ti Gusti Allah teh kudu make budi jeung pamilih anu cukup.ulah rek ngagunakeun teuing parabot Amarah Lowamah sawiah,kilangbara ari teu dpake pisan mah,atuh ulah loba-loba teuing,sakurang-sakurangna sing sami timbang jeung ngagunakeun parabot Mutmainnah.

Karana sing awas,eta beubeunang tina pagawean urang teh engke di akherat ku Gusti Allah bakal ditetepkeun,sabeunang-beunangna tina  pagawean urang ti pangumbaraan nyaeta di alam dunya,saboga-bogana moal pahili deui.

Kumaha atuh akalna supaya urang bisa ngalobakeun parabot Mutmainnah?teu aya deui akalna lian ti urang kudu bisa nyalindung ka Allah ka Rasulullah,tegesna ku Ma'rifat,tiap-tiap geus ma'rifat tangtu bisa ngarasa babarenganna beurang peuting jeung Allah jeung Rasulullah.

Tiap-tiap geus ngarasa teu pisah,Insya Allah bisa hade,ibadah kalawan syah Nagara ge tangtu aman.

Dilanjutkeun ka Nerangkeun pasal Al'Qur'an...

Bagbagan Islam

Ari tegesna Islam teh suci,beresih tina sagal kotoran,naon anu ngajadikeun kokotor teh? Teu aya lian anging nafsu,kusabab eta bae jalmana di dunya nu teu baga nafsu? Sumawona di nu jalan ma'siat,sanajan dinu ahli agama oge pada katetepan nafsu,komo deui anu make sirik pidik ujub riya takabar,sanajan nafsu hayang ka dunya oge geus kotor bae,kieu katerangannana.

Sategesna Isalam teh teu dua teu tilu.estu ngan hiji-hijina,malah keur sahiji teh Gaib,nyaeta sategesna sifatna Islam teh Nur,tah eta anu katetepan nafsu teh,sabab tadi geuning urang keur aya dina Allah Nur mah teu boga nafsu hayang nanaon.Kitu deui anu Islamna oge teu dua teu tilu,da ngan sahiji-hijina,nyaeta Kanjeng Rasulullah.Tuh geuning jalma mah teu kabagean pangkat Islam,jalma mah ngan ukur jadi umat,sabab kudu nyaho heula ka Rasulullah,kana parentahna oge loba anu teu ngalakonan,kapan dina rukun islam oge diwajibkeun jarah ka Madinah ka Pakuburannana Rasulullah,jeung ka Baetullah,hakekatna kudu terang kana hakekatna Rasulullah jeung Karatonna Allah Ta'ala nu aya di diri urang sorangan,kapan aya dalilna :

''KULLU UMMATIN WA RUSULIHI''
Sundana : Dina sakabeh pada katetepan Rasulullah,hartina rasana Allah.

Kusabab eta perlu urang panasaran,wajib nganyahokeunnana kana hakekat Rasulullah nu aya di badan sorangan.Peupeuriheun jarah ka Mekah ka Madinah teu bisa,kapan tadi ge aya dua rupa Munggah Haji teh,Haji Majaji jeung Haji Hakeki.

Haji Majaji nyaeta anu bisa jarah ka Baetullah jeung ka Madinah.

Haji Hakeki nyaeta anu geus nganyahokeun kana hakekatna Baetullah jeung Rasulullah dina diri sorangan,karana Rasulullah teu pupus,upama pupus mah alam dunya ge moal aya,kapan geuning Kanjeng Gusti Syarif Hidayatullah oge tiasa tepang di jalan tarekat,jadi sanajan urang oge upama hayang jadi umat Rasulullah kudu bisa nyaho kana hakekatna Rasulullah nu kasebut Johar Awal tea,sing kapanggih jeung tarekatna lelebarannana tina para Wali.

NEURANGKEUN UMAT RASULULLAH

Ari umat Rasulullah teh haq-haqna mah ngan aya opat nyaeta :
-Sahabat Abu Bakar Sidiq,Radiallahu Anhu
-Sahabat Umar Bin Khatab,Radiallahu Anhu
-Sahabat Usman Bin Affan,Radiallahu Anhu
-Sahabat 'Ali Bin Abi Thalib,Karomullahu Wajhah

Sabab eta anu opat nu sagalung beurang peuting jeung Rasulullah,serta didamel Sahabat[utusannana Rasulullah],tapi ayeuna sarerea oge meureun terang yen eta Sahabat anu opat teh geus parupus majajina mah,tapi hakekatna mah teu pupus,aya di badan manusa,kapan Rasulullah oge hakekatna oge aya di manusa.

-Hakekat Abu Bakar nyaeta Paningal
-Hakekat Umar nyatana Pangdangu
-Hakekatna Usman nyatana Pangucap
-Hakekatna 'Ali nyatana Pangangseu

Eta Paningal-Pangdangu-Pangucap-Pangangseu teh gaib kabeh teu aya rupana,teh eta hakekatna Sahabat teh,anu matak eta Sahabat anu opat teh kudu nganyahokeun kana hakekat Kanjeng Nabi Muhammad SAW,jeung kudu jadi hiji sing bisa ngarasa babareungannana beurang peuting jeung Rasulullah.

Samangsa-mangsa geus teu ngarasa papisahna jeung Rasulullah,tetep jadi umatna.Tiap-tiap geus jadi umatna tangtu engke bakal disampurnakeunnana,didatangkeun ka Gusti Maha Suci[asalna],upama teu nyaho ayeuna mah ka Rasulullah sarta teu ngarasa ngahijina engkena oge pipisahan bae,nyawa urang moal salah deui tangtu balik deui ka dunya marakayangan jadi jurig,setan,siluman atawa nitis-manitis deui ka jalma atawa ka sato.

Samangsa-mangsa nyawa manusa balik deui ka dunya tetep bakal cilaka asup ka Naraka,engke dina Kiamatna ieu alam dunya,karana ayeuna nyawa-nyawa manusa anu marakayangan tgesna teu bisa balik ka Allah,ceuk basa ayeuna mah keur di Preventieif,aya di alam Barjah tunggu-tunggu Landraad,engke inget bakal aya landratan nu leuwih gede dina WalyaumailAkhiri[kiamat ieu alam dunya].

Mimitna Mun Rek Neangan Pangeran

Aya dawuhanna Kanjeng Nabi Muhammad Sholallahu Alaihi Wassalm :

''Man  Tholaba Maulana Boghairi nafsihi  Faqad Dolla Dolaalan Ba'da''

Sundana : Saha-saha manusa neangan Pangeran kaluar tina dirina sorangan,mangka temen-temen eta si jalma kasasar,karana dina tekadna ngarasa jauhna jeung Allah Ta'ala,padahal aya dalilna :

''Wa nahnu aqrobbu ilaihi min hablii warid''

Sundana : Aing geus teu aya antarana deui jeung maranehna sakabeh,sanajan diibaratkeun urat beuheung jeung beuheung maneh pribadi oge,masih keneh deukeut keneh maneh jeung Aing.Nu matak manusa leuwih dimulyakeunanna ku Allah Ta'ala kapan ceuk hadistna oge kieu :

''Wa laqad karomma bani Adam''
Sundana : Kami geus ngamulyakeun pisan ka anak putu Adam

Malah aya deui dalilna :

''Laqad Khalaqnal insaana fii ahsani taqwiin''
Sundana : Manusa teh pang alus -alusna jeung pang aheng-ahengna kajadian ti sasama makhlukna Allah Ta'ala.Geura lamun maneh geus nyaho kaayaan dina sajero sorangan,tangtu engke ngarasa kaahengannana anu aya di badan sorangan.

Aya deui dawuhannana Kanjeng Nabi Muhammad SAW.

''Man'arofa nafsahu faqad'arofa robbahu''
Sundana : Saha-saha anu geus nyaho ka dirina sorangan geus tangtu nyaho ka Pangerannana.

''Wa man'arofa robbahu faqad jahilan nafsahu''
Sundana : Jeung saha-saha anu geus nyaho ka Pangeran,tangtu ngarasa bodo dirina,karana tangtu kaharti si jasad moal bisa usik malik lamun teu di daya upayakeun ku Pangerannana.

Sidik ieu si jasad teh jadi rokrakna,anu matak urang kudu ngaji teh ulah ngaji kitab anu keuna ku ruksak bae,tapi kudu ngaji kitab anu langgeng kapan ceuk hadist oge kieu :

''Iqra kitabaka kafa binafsika alyauma'alaika hasiba''
Sundana : Maneh kudu ngaji kitab anu langgeng,nyaeta kudu ngaji kitab langgeng anu aya dina diri maneh sorangan,geura teangan Qudrat Iradatna Pangeran dina diri sorangan,karana leuwih nyata kakawasaannana.

Pangeran teh dina diri sorangan,jeung leuwih nyata hirupna Pangeran teh dina diri sorangan,jeung leuwih nyata tingalina Pangeran teh dina diri sorangan,jeung leuwih nyata danguna Pangeran teh dina diri sorangan,serta leuwih nyata pangandikana Pangeran teh dina diri sorangan,karana ceuk dalilna :

''Wa huwa ma'akum ainama kuntum''
Sundana ; Allah Ta'ala teh ngabarengan bae ka umat-umat sakabeh,dimana bae manehna aya,di dinya Aing aya,tapi sategesna ngaran dibarengan ku Allah Ta'ala teh nyaeta,ku Qudrat Irodatna jeung ku ilmuna,kapan sidik dina sifat dua piluh oge geus ngarangkep-rangkep saperti :

Hayat jeung Hayan
Hayat hartina Hirup
Hayan hartina Nu hirup

Sama jeung Sami'an
Sama hartina Dangu
Sami'an hartina Nu Ngadangu

Bashar jeung Bashiran
Bashar hartina Ningali
Bashiran hartina Nu ningali

Kalam jeung Mutakaliman
Kalam hartina Ngucap
Mutakaliman hartina Nu Ngucap

Qudrat jeung Irodat
Qudrat hartina Kawasa
Irodat hartina Keresa

Naon nu Kawasa di diri urang teh?Teu aya deui lian ti Hirup,buktina gening bisa usik.

Iradat hartina keresa,nyaeta buktina :
Panon bisa ningali
Cepil bisa ngadangu
Baham bisa nyarita
Pangambung bisa Ngangseu

Tuh geuning bukti,sidik teu pisahna teh,ayeuna mah atuh ngan kari neangan barangna bae,siga naon sifatna Qudrat atawa sifat Hirup teh? Wajib pisan kapanggihna supaya bisa kaharti jeung karasana,ulah percaya ceuk beja kudu nyaho ceuk sorangan.

Jadi anu kitu faham teh meh sarerea,Iman ka Allah teh semet percaya kana ayana bae,pedah aya dadamelanna Bumi jeung Langit,atuh anu kitu mah sumawonna nu nyekelna Agama Islam,kapan anu nyekelan agama sejen-sejen oge pada percaya kana ayana Allah Ta'ala mah,atuh naon bedana Agama Islam jeung agama sejen? Pedah eta kitu agama Islam mah aya rukuna,Syahadat,shalat,Zakat,Puasa,munggah Haji? Kapan dina Agama sejen oge aya Syahadatna,pada aya sholatna,ngan beda pertingkahna jeung basana wungkul,maksudna tangtuna sarua.

Kapan tadi agama Islam teh pang luhung-luhungna ti Agama-agama nu sejen da kapan kieu dalilna oge :

''Al Insaanu Sirri Wa Anna Sirruhu''
Sundana : Rasa Muhammad teh nta rasa Allah,Allah Haqna Muhammad.
Tah kitu,anu matak Agama Islam disebut pang luhur-luhurna teh,lantaran pang parek-parekna ka Allah Ta'ala.moal aya Allah lamun teu aya Muhammad,moal aya Muhammad lamun teu aya Allah.

Stegesna moal aya sifat lamun teu aya Dzat,moal aya Dazat lamun teu aya sifat,anu matak Kanjeng Rasulullah disebat Panguluna Rasul,jeng disebat Babuning Roh sakabeh,jadi agam Islam pang kasebat luhurna teh,nyaeta ku sabab aya Haq ka Allah Ta'ala.Kapan bukti Mi'raj,barang beh dieuna mah Kanjeng Gusti Syarif Hidayatullah Wali kutub Cirebon,Mi'rajna teh tiasa tepang sareng hakekatna Kanjeng Nabi Muhammad SAW,nyaeta anu kasebat Jauhar Awwal tea,tegesna sifat nu Maha Suci,saur para Wali mah Sajatining Hirup atawa Sajatining Syahadat,nyaeta gulungan Dzat jeung Sifatna Maha Suci.

Jadi,sanajan urang oge upama bisa kapanggih mah jeung Tarekat Wali,Insya Allah bisa patepang sareng Hakekat Rasulullah,samangsa-mangsa geus bisa tepung jeung Hakekatna Rasulullah,kakara urang diaku umatna,Samangsa-samangsa geus diAku umat Rasulullah,Insya Allah engke bakal dicandak kana kasalametan Ajneuna,nyaeta kana Kasucian.

Upama teu acan kana hakekatna,tetep teu acan syah urang ngaku jadi umat Rasulullah teh,karana dina rukun syahna maca Syahadat oge geus diterangkeun dina kitab :

Kudu netepkeun heula Dzatna Allah Ta'ala
Kudu netepkeun heula Sifatna Allah Ta'ala
Kudu netepkeun heula Asmana Allah Ta'ala
Kudu Sidik heula ka Raulullah

Tah geuning kitu maca syahadat teh,gening kudu,sidik heula ka Rasulullah,sabab kumaha bisa netepkeun ayana Allah jeung Rasulullah,upama teu acan nyaho [ma'rifat] kana sifat-sifatna,sabab,bisa netepkeun teh,kudu puguh heula barang-barangna anu ditetepkeunnana.

Gening kitu satemen-temena maca Kalimah Syahadat teh,lain darapon nyebat bae,karana ari darapon nyebut bae mah,budak lembut oge pada bisa.

Nu matak wajib jeung nyahona,sabab upama teu jeung nyahona mahibarat maca programma bioscoop anu rame,tapi teu jeung lalajona,naha jadi kani'matan ka urang?kitu deui sanajan teu maca programmana,tapi lalajo datang kana tempatna eta bioscooop,naha utama mana? Utama anu maca programmana tawa utama nu lalajona?

Kitu deui dina bab Agama [ilmu],nu ngaos atawa nu ngadangukeun kana ieu kitab,ulah gancang percaya,ulah gancang ngalain-lain,karana ieu zaman geus alur,pikiran jalma geus naraek,geus teu pati hayangeun dibobodo.

Jalma ayeuna mah dina sagala rupa hayang karasa hayang yakin,sing inget kana babasan kolot baheula,Batu turun keusik naek,teu halangan mungguhing kawenangan Allah,si koloy jadi bodo,si budak jadi pinter,jeung kudu inget mungguh ilmuna Rasulullah teh aya opat pangkat nyaeta :

Ilmu Sare'at
Ilmu Tarekat
Ilmu Hakekat
Ilmu Ma'rifat

Dina zaman ayeuna mah ilmu ma;rifat anu diarudag-udag teh,hayang sidk ka Allah ka Rasulullah,da bongan aya dalil :

''Wa'bud robbaka hatta ya'tiyakal yakiin''
Sundana : Nyembah ka Allah teh kudu sidik sarta yakin supaya syah Dzatna,syah Sifatna,syah Asmana,syah Af'alna.

Enggoning ngumbara di alam dunya teh,sing tepi ka ngarasana teu papisah jeung Allah jeung Rasulullah.Samangsa-mangsa geus teu ngarasa pisahna jeung Allah jeung Rasulullah beurang peuting,sugan pirak urang rek goreng tekad,goreng laku saperti sirik pidik,jail kaniaya kasasama makhluk,karana tangtu isinna,lantaran ngarasa di poconghok beurang kalawan peuting ku Pangeran.

Sagala hal moal disumput salindungkeun deui,jeung sagala hal kalakuan naon bae,moal make Ujub Takabur Riya,karana ngarasana geuning diri urang teh Hina Bodo Di'if.Bisa soteh jadi aya rizki pagawean bisa jadi, sihoreng kalawan pitulungna nu Maha Suci,nyaeta  Qudrat Iradatna anu Kawasa.

Jadi ayeuna oge bisa ditetepkeun,samangsa-mangsa jalma make kalakuan Sirik pidik Jail Kaniaya ka sasama makhlukna Allah Ta'ala,boh dinu Ma'siat,boh di Lebe.boh di Santri,boh di Kyai pisan,ciri-ciri eta jalma tacan ngarasa deukeutna jeung Rasulullah sumawaonna jeung Allah Ta'ala,samangsa-mangsa teu ngarasa deukeutna jeung Pangera,tangtu laku jeung tekadna cicing dina Ujub Riya Takabur,sok ngaku aing pinter teu deungeun,ngaku bener aing teu deungeun,ngaku bisa ngaji aing teu deungeun,ngaku Islam aing teu deungeun,Jadi jalma kitu teh ngaku boga Qudrat Iradatna sorangan bae,teu narima kana Qudrat Iradatna Pangeran,jadi ngarebut atawa mapadani kana kakawasaannana Allah Ta'ala.

Kapan teu gampang urang ngaku islam,sumawonna taduh-tuduh ka batur,Si itu Islam Si itu kafir,karana Islam Kafir Anging Gusti Allah anu uninga jeung nu baris nentepkeunnana.

Asal Ti Allah Kudu Balik Deui Ka Allah Ta'ala.

Kusabab kitu tangtu sarerea oge meureun pada bingung keneh,pada-pada percaya oge,lantaran urang pada teu ngarasa tdi inditna ti Allah,turunna ka Alam dunya,tapi kusabab dalilna kitu,gancang bae ngaku yen urang asal ti Allah,tapi ngakuna teh sasemat biwir bae,kapaksa ngaku soteh sieun disebutkeun kufur kafir karana henteu oercaya kana dalil,tapi atina mah keukeuh poek teu kaharti ku sabab teu karasa,kusabab eta ayeuna pribados arek mere panerangan saeutik,malah mandar tiasa percanteun sareng karaosna,urang tadi asal ti Allah,kieu katerangannana,urang papay ti handap ka luhur supaya kaharti  ku akal.

Mimiti urang tumarima asal ti mana?-Nu kaharti jeung ku umum,urang asal kaluar teh ti Indung
Teruskeun deui papay ka luhurna,arti Indung asalna ti mana?Tangtu Indung urang teh kaluar ti Nini
Ari Nini asalna ti mana? Teu salah deui asal kaluat ti Buyut
Ari Buyut asal ti mana?Tangtu kaluarna ti Bao
Ari Bao asalna timana?Nya asalna kaluar ti Janggawareng
Ari Janggawareng asal ti mana? Tangtu kaluar ti Udeg-udeg
Ari Udeg-udeg asl ti mana? Tangtu asalna kaluar ti kakait Siwur,saterusna kitu bae,ti Indungna deui,ti Indungna deui nepi ka Babu Hawa
Ari Babu Hawa asal ti mana? Ku sakaol ceuk hadist asalna Babu Hawa teh asal tina Iga Burungna Nabi Adam
Ari Nabi Adam asal ti mana? Diterangkeun ku hadist,asalna Nabi Adam tina Aci Bumi-Seuneu,Cai,Angin

Ari Nabi Adam asal ti mana? Diterangkeun ku hadist asalna tina Nur Muhammad,Cahya opat perkara :

1.Cahya Hideung hakekatna Bumi
2.Cahya Bodas hakekatna Cai
3.Cahya Koneng hakekatna Angin
4.Cahya Beureum hakekatna Seuneu

Ari Nur Muhammad asal ti mana?Eta oge diterangkeun ku hadist asalna tina Nurna Maha Susi,nyaeta tina Jauhar Awwal,tah semet eta buntu,sabab geus diterangkeun ku hadist jeung Qur'an,eta Jauhar Awwal teh bibitna Tujuh Bumi,Tujuh Langit,saweuruh eusina kabeh.

Jadi,ana kitu ceuk dalil asal ti Allah nyaeta asal ti dinya tina Jauhar Awwal tea,Sifatna Caang Padang,nyaeta gulungan Dzat jeung Sifatna Maha Suci,kakara jeneng Asma Allah.

1.Cahya Beureum jadi hakekat Lafad Alif
2.Cahya Koneng jadi hakekat Lafad Lam Awal
3.Cahya Bodas jadi hakekat Lafad Lam akhir
4.Cahya Hideung jadi hakekat Lafad He
5.Jauhar Awal jadi hakekatna Tasjid

Kitu katerangannana,jadi eta Cahya nu kasebut di luhur teh anu di sebut Ismudzat tea,hartina Dzat laisa kamishlihi atawa Asmana nu Maha Sui,ceuk anu ahli Padzikiran mah Latifah tea,tah engke teh kudu bisa balik deui ka dinya,nu matak kacida wajib dikanyaohkeunnana ti ayeuna.

Geura susul tarekatna anu bisa miceun hijabna atawa pipindingna anu jadi moekan kana eta Dzat Sifatna Allah Ta'ala,sing kapanggih jeung hakekatna Tasjid Muhammad,anu aya dina wujud pribadi,tah eta kunci Muhammad anu bakal bisa ngagubrak-abrik hijabna ka Allah Ta'ala.

Upama kapanggih Insaya Allah tangtu urang bisa nyumponan kan babasan Mulih ka Jati,pulang ka asal,nyaeta mulih ka jati teh,rasa jasmani anu ayeuna keur dipake balik deui kana rasa tadi keur waktu aya dina Nurullah[Jauhar Awwal].Ari pulang ka asal nyaeta jasmanina ngjadi asalna deui,nyaeta ngajadi Nur Muhammad,Cahya Opat rupa deui,beureum,Koneng,Bodas,Hideung,samangsa-mangsa balik ka asal,nya ngaranna sampurna,hartina beak beresih beak rasana beak jasmanina.

Ku :
Mama Guru
Ujang Guru
Hak Cipta Milik Allah Ta'ala

Jalan-jalanna Ma'rifat ka Allah Ta'ala

Ari jalan-jalanna Ma'rifat ka Allah Ta'ala nyaeta aya dua jalan,aya nu ti handap ka luhur,jeung aya nu ti luhur ka handap.

Ari anu tihandap ka luhur,nyaeta anu masantren heula,ngaji kitab Al-Qur'an jeung terus ngalakonan ibadahna rukun  anu Lima perkara,tah anu kitu teh ibadah keur jalan ma'rifat ka Allah Ta'ala,tapi hanjakal lolobana mah tara ditepikeun kana ma'rifatna,lantaran kaburu betah,kaburu ngeunah dina asma,tegesna geus ngarasa ni'mat dina Pal Nunjukna[papan merk nu nuduhkeun tempat],padahal upama diteruskeun ma'rifat kana Dzatna Sifatna Allah Ta'ala,piraku teu undak kani'matannana,da gening karek dina asmana wungkul geus sakitu kani'matannana.

Ari jalan anu ti luhur ka handap, nyaeta anu nyumponan dalil tadi Awwalu dinni ma'rifatullahi ta'ala,jalanna lain tina masantren wungkul,tapi kedah jeung ngisat diri nyaeta kudu daek tirakat,kalawan jeung ikhtiar neangan pigurueunnana,guru anu Mursyid,sabab moal weruh tanpa guru,ku sabab eta mana ku urang kudu disusul?Teu aya deui lian ti tarekatna Wali nu kudu disusul,sabab eta anu bisa tepi ma'rifat kana sifatna Allah Ta'ala nu kasebut Jauhar Awwal tea,nyaeta hakekatna Muhammad tea,da piraku teu aya leleberannana pikeun urang sarerea,sababna tadi oge para Wali pangna sakitu poharana tatapa teh pikeun ngabela umat-umatna Rasulullah supaya bisa baralik deui ka Allah Ta'ala.

Kusabab kitu atuh hayu urang pada teangan ku sarerea eta tarekat Wali teh,sabab upama teu buru-buru kapanggih,tangtu urang moal barisa balik deui ka asal,pasti nyawa urang engke bakal marakayangan atawa nitis-nitisa,balik deui ka dunya kana barang anu keuna ku rusak deui,moal bisa nyumponan kana dalil :

''Inna Lillahi Wa Inna Ilaihi Raji'uun"

Kitab Marifatullah Basa Sunda

Bismillahirahmaanirrahiimi

Alhamdulillahi robbil'alamin,wassholatu wassalamu'ala syayidina Muhammadin wa'ala alihi wa shohbihi ajma'iin.

mimiti jisim kuring nulis ieu kitab,ngalap berkah tina jenengan Allah ta'ala,nu murah ti dunya ka umat-umatna sakabeh,jeung nu asih diakherat ka umat-umatna anu mu'min,ari Rohmatna Allah ta'ala kasalametannana turuna ka atas panutan urang Kanjeng nabi Muhammad Shalallohu 'alaihi wassalam,jeung kapara sahabatna rawuh kulawargana sakabeh.

Wajib Ma'rifat ka Allah Ta'ala

Ari ma'rifat ka Allah Ta'ala teh wajib di sakabeh jalma mukalaf,tegesna jalma anu geus aqil baligh,eta wajib teu meunang henteu,karana aya dawuhannana Kanjeng Nabi Muhammad  SAW,kieu...

''Awwalu dinni ma'rifatullah ta'ala''

Sundana : Awal-awal agama eta kudu nyaho heula ka Allah ta'ala,sababna pang kudu nyaho heula teh supaya manusa enggoning ngalakonan ibadahna syah ditarima amal ibadahna ku Allah Ta'ala,sabab tadi oge amal teh kudu kalawan ilmu,umpama teu kalawan ilmu batal,tegesna teu jadi,samangsa-mangsa teu jadi tangtu moal aya manfa'atna pikeun di Akherat ngan ukur di dunya wungkul.

Tapi dina hal ilmu mangkade kaliru,ari hartina ilmu teh kanyaho,tapi lain kudu nyaho kana syara,syahna batalna ibadah bae,tapi kudu jeung nyaho[ma'rifat]ka Allah,ka Rasulullah,sabab eta teh ibarat tempat atawa gudangna keur piwadaheun amal ibadah urang sarerea,ulah teu puguh sokna.

Ibarat lamun di dunya mah ibadah keur ngumpul-ngumpilkeun papaes imah,saperti meja ,korsi,lomari jeung salainna,ari ma'rifat ka Allah,ibarat urang ngabogaan imah anu pegeuh anu gede,nyaeta supaya eta barang-barang nu beunang hese teh merenah puguh tempatna,betah ngeunah dicicingannana,karana sanajan boga barang loba serta aralus hargana mahal,upama teu boga tempat[imahna]rek dimana diteundeunna? Naha rek sina pabalatak diburuan,dipipir-pipir,atuh cicingna oge piraku rek aya barangna oge tangtu babari rusksak,moal tulus jadi kani'kmatanana.

Komo deui upama urang boga tekad amal ibadah teh keur bawaeun engke balik ka akherat,atuh beuki wajib ma'rifatna ka Allah Ta'ala teh,sabab pikeun tempat pangabalikan tea.

Upama teu dikanyahokeun ayeuna,naha kira-kira bisa datang engke kana tempat asal urang tadi? kapan dina sakaratul maut mah geus moal aya tenyaeun deui,jeung geus moal boga akal deui ku ngarasakeun kanyeri oge,sebab ceuk hadist upama urang lolong tegesna teu nyaho ka Allah,ka Rasulullah ayeuna keur waktu di dunya,engkena di akherat tetep lolong  bae,samangsa-mangsa lolong tegesna poek di akherat,atuh beubeunangan urang ti dunya anu beunang sakitu hese sape teh,rek dibantun kamana?

Kusabab teu bisa dongkap ka Allah,kana asal urang tadi sarerea,palangsiang babawaan teh bakal dibantun utrak-atrik dibantun ka enggon Siluman,babawaan urang dijieun kakayaan di Nagarana,urang di jieun badegana,kusabab eta ayeuna urang meungpeung di dunya kudu ikhtiar kudu tiung memeh hujan,tegesna kudu nganjang ka pageto,nyaeta kudu bisa paeh samemeh paeh,karana lamun teu tiasa paeh heula sajero hirup,moal nyaho ka akherat karana nyaho ka akherat teh kedah paeh heula,kapan suek dalilna oge :

''Antal mautu qoblal mautu''

Jadi gening akherat atawa asal urang teh,kedah dikanyahokeun jeung kudu dianjangan ti ayeuna,supaya engke ulah nyasab deui,paeh pulatat-polotot,jeba-jebi,larak-lirik neangan jalan.

Mengenal Hakikat Diri Manusia

Marilah kita semua merenung mengenai hakikat diri masing-masing,setiap manusia,siapapun itu didalam sejarah hidupnya pasti melaui surah Al-Fatihah,artinya kita-kita ini pasti pernah melalui dari awal,dari dasar,apa awal dari manusia? Nutfahkah? mungkin jawabannya itu benar,tetapi nutfah adalah pembentukan awal kemanusiaan dan bukan awal dari manusia itu sendiri.Awal kehidupan manusia dimulai sejak ia dilahirkan ibunya kedunia ini,detik pertama dia menghirup udara maka detik itupulalah sejarah manusia tersebut dimulai.

Bahkan seorang 'Isa Al-Masih yang proses kejadiannya tampak begitu istimewa,tidak terkecuali untuk memulai hidupnya dari seorang bayi merah,sama seperti yang lain[Lihat rujukan QS.Ali Imron 3 ayat 59].Dari surah ini kita diajar banyak hal,bahwa semua ayat baik yang panjang maupun pendek di dalam Al-Qur'an akhirnya akan kembali pada surah Al-Fatiha,karena dalam surah inilah semua pujian dan doa serta pentauhidan Tuhan terintergrasi menjadi satu.

Begitulah manusia,dia hakekatnya adalah bayi,semua kedudukan sosial serta harta benda yang ia miliki akan kembali pada kekerdilan dirinya dimata Sang Khaliq yang serba Maha,sosok manusia tidak ubahnya bagaikan bulatan kecil bumi yang berlaku atas semua yang dia miliki?dilihat secara Ultraviolet,manusia itu telanjang tanpa pakaian,tanpa kedudukan,tanpa apa-apa,begitulah kira-kira cara Tuhan memandang kita[lihat surah Al-A'raaf ayat 7-26].Jikapun kita berkuasa,apakah ia kita berkua atas nafas kita? atas udara yang kita hisap? apa ia kita berkuasa atas setan yang ada didiri kita?

Bahkan satu contoh yang paling ringan bahwa kita tidak berkuasa untuk menahan rasa untuk buang air.Maka nikmat Allah yang manakah yang akan kita dustakan?[lihat rujukan surah An-Najm 53 ayat 55] artinya semua anggota tubuh kita ini bukanlah milik kita,apalagi harta dan kedudukan,kita ini bayi,kita ini Al-Fatihah,seharusnya kita menjadi ayat yang berfungsi sebagai pujian terhadap Allah.Sebagai alat pengabdian,penyebar petunjuk bagi orang lain kepada jalan yang lurus sekaligus penolak pada nilai-nilai kebatilan,keterpurukan dan kesesatan.

Surah ke dua adalah Al-Baqarah,yang secara harfiah berarti Sapi Betina,seorang bayi yang baru lahir,dia memerlukan asupan susu,entah itu berupa ASI atau susu olahan.

Jika sebagai penyambung surah Al-Fatihah tertulis Al-Baqarah,ini tidak serta merta satu petunjuk bahwa seorang bayi harus minum susu Sapi.Penyebutan Sapi Betina merujuk pada satu kebutuhan yang ada pada seorang bayi,dia perlu kehangatan,dia perlu nutrisi awal,nutrisi satu-satunya yang bisa ia cerna,karena tidak mungkin dia bisa Coca cola atau Fanta,dia perlu susu,perlu hal yang putih,bersih dan sehat.Inilah gambaran kita,membutuhkan nilai-nilai yang lurus,yang bisa memenuhi gizi kejiwaan sebagai satu-satunya sumber asupan yang bisa kita terima agar bisa tumbuh menjadi kepribadian yang dewasa dan tangguh.

Kita perlu nilai-nilai yang sehat dan benar untuk sampai pada satu pemahaman tertentu,hati dan niat ini harus bersih dan akal kita harus bisa berpikir realitas obyektif.Inilah makna ayat Al-Qur'an : Hendaklah engkau berlaku adil,jangan karena kebencianmu pada sesuatu yang bersih dan sehat tadi sepanjang masa,tidak ada batasan,karenanya Nabi SAW bersabda :''Menuntut ilmu itu wajib bagi seorang muslim sampai ia mendatangi kuburnya sendiri.''

Selanjutnya surah Al-Baqarah disambung dengan Ali-Imron dan An-Nisaa',masing-masing mewakili kedua orang tua kita,yang satu laki-laki dan yang lainnya wanita.Bahwa didalam hidup kita tidak hanya membutuhkan nilai tetapi juga memerlukan bantuan lingkungan disekitar kita,butuh keberadaan sosok bapak dan ibu yang membuat kita menjadi aman,tentram dan damai,secara lebih luas,kita perlu melakukan interaksi dengan semua komponen masyarakat[pria dan wanita pada Ali-Imron dan AnpNisaa'menggambarkan adanya keragaman].Kita tidak bisa  hidup sendiri,kita adalah makhluk sosial yang saling berinteraksi antara sesama kita[lihat rujukan surah Al-Hujaraat 49 ayat 13]

Orang yang hanya mau bergaul dengan sekelompok kaum tertentu saja,bertaklid pada satu jemaah tertentu dan meninggalkan kaum atau jemaah yang lainnya sama seperti seorang anak yang hanya memerlukan ibunya saja atau bapaknya saja dan jelas ini satu kepincangan.

Bersikaplaj yang wajar,bergaulah dengan semua komponen masyarakat tanpa membedakan apakah mereka sama jemaahnya dengan kita,sama jalan pemikirannya dengan kita atau sebaliknya,apalagi jika ini menyangkut hubungan sesama muslim,malah Al-Qur'an berkata,satukan hubungan yang retak antar sesama saudaramu seiman,jauhi prasangka yang jahat kepadanya[lihat rujukan surah Al-Hujaraat 49-12].

Surah kelima,surah Al-maaidah yang berarti hidangan,hidangan disini adalah suatu sajian makanan seorang bayi dia memerlukan asupan susu dan belaian kasih sayang kedua orang tuanya,seorang manusia perlu belajar nilai-nilai kebenaran yang obyektif dan memerlukan silaturahim terhadap sesamanya,dan dia perlu berbagi.

Saat sudah menjelang dewasa dan belajar berinteraksi maka kepribadian kita seharusnya semakin meningkat,semakin menuntut lebih banyak dari sebaliknya,semakin kita belajar semakin kita mersa ilmu ini teramat sedikit yang beruntung,semua kekayaan pemikiran,khasanah pengetahuan harus bertambah demikian juga dengan ketakwaan maupun kesederhanaan jiwa.

Inilah inti sabda Nabi Muhammad SAW : ''Sesungguhnya siapa yang hari ini lebih baik dari hari kemarin maka dia orang yang beruntung,tetapi orang yang hari ini lebih buruk dari sebelumnya maka dia termasuk orang yang merugi[lihat rujukan surah Al-Ashar 103 ayat 1 s/d3].

Masihkah kita belum mengenal siapa diri kita sejauh ini?...haruskah pembahasan ini dilanjutkan pada surah-surah lainnya?untuk sementara ini,biarlah tulisan ini berhenti sampai disini agar dapat direnungkan dan mencari kedalam inti diri siapa aku?

[Dari berbagai sumber]
Semoga bermanfa'at untuk kita semua bila ada salah mohon dimaafkan.